අසංක සායක්කාර විසින් නිර්මාණය කළ ‘මං කෙළින් මිනිහෙක්’ වේදිකා නාට්‍යය ප්‍රදර්ශනය සඳහා ප්‍රසිද්ධ රැඟුම්පාලක මණ්ඩලය නිකුත් කළ බලපත්‍රය අගෝස්තු මස 17 වැනිදා ආපසු කැඳවීමෙන් අනතුරුව, නිෂ්පාදකයන් තමන් සිදු වූ දෝෂය පිළිගැනීම හේතුවෙන්, ‘වැඩිහිටියන්ට පමණක්’ සීමා වූ බලපත්‍රය යටතේ එය ප්‍රදර්ශනය කිරීමට නැවත අවසර දී ඇත.
මේ නාට්‍යය සඳහා මුල්වරට අනුමැතිය ලබාදීමෙන් පසුව, වැඩිහිටියන්ට සීමා වූ කොටස් මාධ්‍ය ඔස්සේ සමාජගත කිරීම හා අනුමත පිටපතෙහි නොවන දෙබස් නාට්‍යය සඳහා යොදාගැනීම රැඟුම් පාලක මණ්ඩලයේ නීති හා රෙගුලාසි උල්ලංඝනය කිරීමක් වන බැවින්, එය පෙන්වීමට දී තිබූ අවසරය නැවත කඳවන ලදි.
අනතුරුව අසංග සායක්කාර හා නාට්‍ය කණ්ඩායම තමන් අතින් නොදැනුවත් කමින් සිදු වූ දෝෂයන් පිළිගත් අතර, එහිදී නැවත රැඟුම් පාලක මණ්ඩලයේ නීති හා රෙගුලාසි උල්ලංඝනය නොකරන බවට අසංක සායක්කාර සහතික වී ඇත. අලුතින් එකතු කළ දෙබස් සහිත පිටපත මණ්ඩලය වෙත ඉදිරිපත් කිරීමෙන් අනතුරුව ‘වැඩිහිටියන්ට පමණක්’ සීමා වූ බලපත්‍රය යටතේ නැවත එය ප්‍රදර්ශනය කිරීම සඳහා අවසර දී තිබේ.
