මේෂ
වියදම් පාලනය අසීරුයි
ලග්නාධිපති කුජ 12 වැන්නට පැමිණේ. රාහු 4, කේතු 10 ද ගමන් කරයි. මෙම පිහිටීම තුළ අන්‍යයන් සමග කටයුතු කිරීමේ දී විටින් විට අවුල් සහගත තත්ත්වයක් උදා විය හැකි නිසා ඉවසීමෙන් ද බුද්ධිමත්ව ද ක්‍රියා කළ යුතුයි. කරන කතාබහවල දී වඩාත් සැලකිලිමත් වන්න. මිල මුදල් ලැබීම අතින් අයහපත් නොවුව ද විටෙක වියදම් පාලනය කිරීම අසීරු වේ. ගෙදරදොර කටයුතුවල දී බුද්ධිමත්ව ක්‍රියා කළ යුතුයි. දරුවන්ගේ කටයුතුවලට බාධා ඇති කරයි. අධ්‍යාපන කටයුතුවල යෙදී සිටින අයට සිය උත්සාහය සහ කැපවීම තුළ සාර්ථක ප්‍රතිඵල ලැබිය හැකිය.
ජය වර්ණය- රතු, අංකය- 09, දිනය- අඟහරුවාදා
වෘෂභ
ඉවසීමෙන් ක්‍රියා කරන්න
ලග්නාධිපති සිකුරු හයේ ද ශනි අටේ ද ගුරු හතේ ද රාහු 3, කේතු 9 ගමන් කරයි. මෙම පිහිටීම් තුළ තමාගේ කටයුතු කරගෙන යෑමේ දී බාධා අවහිරතා ඉස්මතු කළ හැකිය. වෘත්තීය සහ රැකීරක්ෂා කටයුතු කරගෙන යෑමේ දී ගැටලුකාරී තත්ත්වයන් උදා කරයි. ඉවසීමෙන් ක්‍රියා කළ යුතුයි. ගෙදරදොර කටයුතුවලට එතරම්ම අයහපත් නැත. සමගිය සාමය සුරක්ෂිත වේ. කෙසේ වුවත් වචන පාවිච්චියේ දී සැලකිලිමත් වන්න. දරුවන්ගේ කටයුතු යහපත් වේ. දියුණුවක් ලබයි. සිය උත්සාහය සහ කැපපවීම තුළ ඉගෙනීමේ කටයුතු එක්තරා ප්‍රමාණයකට සාර්ථක කර ගනී. තමාගේ ශරීර සෞඛ්‍යය ගැන ප්‍රවේසම් වන්න.
මිථුන
වචන පාවිච්චිය ප්‍රවේසමෙන්
ලග්නාධිපති බුධ, ගුරු සමග හයවැන්නේ සිටී. සඳු ලග්නයේ ද රාහු 2, කේතු 8 සිටී. ශනි හතේ වේ. මෙම පිහිටීම් තුළ වෘත්තීය සහ රැකීරක්ෂා කටයුතු කරගෙන යාමේ දී බාධා අවහිරතා ප්‍රමාදතාවලට ඉඩ පවතී. මිල මුදල් ලැබීම තුළ අයහපත් නොවේ. ගෙදර දොර කටයුතුවල දී රාහු දෙවැන්නේ සිටීම නිසා වචන පාවිච්චියේ දී ටිකක් කල්පනාකාරී විය යුතුයි. දරුවන්ගේ කටයුතු කෙරෙහි අවධානයෙන් සිටිය යුතුයි. ඉගෙනීම්වල යෙදී සිටින අයට ඉගෙනීමට පසුගාමී දේවලට යොමුවීමේ ඉඩ පවති නිසා කල්පනාකාරී විය යුතුයි. උෂ්ණාධික රෝග බලපායි.
කටක
මුදල් අපහසුතා
යෝගකාරක කුජ නවයේය. ශනි හයේ ද රාහු ලග්නයේ ද කේතු 7 ද ගෝචරය වේ. මෙම කාල සීමාව තුළ ශුභා’ශුභ පල උදා කරයි. වෘත්තීය සහ රැකීරක්ෂා කටයුතුවල දී සුළු සුළු බාධා ප්‍රමාදතා මධ්‍යයේ තම කටයුතු කිරීමට සිදු වේ. විටෙක නිවසින් පිටට වී කටයුතු කිරීමේ ඉඩක් පවතී. ගෙදරදොර කටයුතු මෙන්ම යුගදිවිය සම්බන්ධ කටයුතුවල දී ද තරමක් කල්පනාකාරී විය යුතුයි. දරුවන්ගේ කටයුතු උදෙසා කාලයත් ධනයත් ශ්‍රමයත් වැය වේ. ඉගෙනීමේ අංශවල යෙදී සිටින අයට උත්සාහය තුළ සාර්ථක ප්‍රතිඵල ලැබිය හැකිය. උෂ්ණාධික රෝග, බඩවැල් ආශ්‍රිත පීඩා යනාදියට ඉඩ පවතී.
සිංහ
දිනපතා කටයුතු වෙනස් වේ
ලග්නාධිපති රවි පූර්ව පුණ්‍යස්ථානයේ ශනි සමග සිටි. රාහු 12, කේතු 6 ද ගුරු 4 ද ගෝචරය වේ. සතුරු කරදර බාධා ඉස්මතු වුව ද සිය උත්සාහය තුළ සාර්ථක ප්‍රතිඵලයක් උදා කරනු ඇත. විටෙක තමා කරගෙන ආ කටයුතුවලට බාධා ඇති වේ. ආර්ථික වශයෙන් අශුභ නැත. විවිධ අංශයන්ට යොමු වීමෙන් ආර්ථික වාසි ලබයි. දරුවන්ගේ කටයුතු ගැන තරමක් දුරට කල්පනාකාරී වන්න. ඉගෙනීම්වල යෙදී සිටින අයට විටෙක පසුගාමී තත්ත්වයන් උදා කළ හැකි නිසා උනන්දු වන්න.
ජය වර්ණය- රෝස, අංකය- 01, දිනය- ඉරිදා
කන්‍යා
වෙළෙඳාමෙන් ලාභ
ලග්නාධිපති බුධ ගුරු සමග 3 වැන්නේ ද රවි, ශනි 4 ද රාහු 11, කේතු 5 ද ගමන් කරයි. මෙම ග්‍රහ ගෝචරයන් තුළ තමාගේ වැඩකටයුතු උදෙසා ගැටලුකාරී තත්ත්වයන් උදා කරයි. බුද්ධිමත්ව ද විමසිලිමත්ව ද ක්‍රියා කිරීම තුළ සාර්ථක ප්‍රතිඵලයක් ලැබිය හැකිය. වෙළෙඳ ව්‍යාපාරවල යෙදී සිටින අයට යහපත් ප්‍රතිඵල ලබාගත හැකිය. ලාභ ප්‍රයෝජන සහිත වේ. දරුවන්ගේ කටයුතු කෙරෙහි වැඩි අවධානයකින් පසුවිය යුතුයි. අධ්‍යාපන කටයුතුවල යෙ දී සිටින අයට අලුත් විෂයයන් කෙරෙහි අවධානයෙන් පසුවිය යුතුයි. තම ශරීර සෞඛ්‍යය ගැන ප්‍රවේසම් වන්න.
ජය වර්ණය- කොළ, අංකය- 05, දිනය- බදාදා
තුලා
බාධා සහිතයි
ලග්නාධිපති සිකුරු ලග්නයේ මාලවී යෝගයයි. ගුරු දෙවැන්නේය. කේතු 4, රාහු 10 ද ශනි 3 ද ගමන් ගනි. වෘත්තීය සහ රැකීරක්ෂා කටයුතු කරගෙන යාමේ දී අන්‍යයන්ගේ සහයෝගය උපකාරය ඔබ බලාපොරොත්තු වන තරමට උදා නොකරයි. මිල මුදල් ලැබීම අතින් යහපත් වේ. විවිධ ක්ෂේත්‍රයන් තුළ ආර්ථික වාසි ලබයි. වෙළෙඳ ව්‍යාපාරවල යෙදී සිටින අයට ශුභයි. ගෙදරදොර කටයුතු මෙන්ම යුගදිවිය සම්බන්ධ කටයුතු යහපත් වේ. දරුවන්ගේ කටයුතු ගැන සැලකිලිමත් විය යුතුයි. අධ්‍යාපන ක්ෂේත්‍රවල යෙදී සිටින අයට ශුභයි. උදරාශ්‍රිත රෝග, ලේ දූෂ්‍යාබාධ බලපායි.
ජය වර්ණය- නිල්, අංකය- 06, දිනය- සිකුරාදා
වෘශ්චික
ක්‍රමයෙන් ශුභයි
ලග්නාධිපති කුජ පූර්ව පුණ්‍යස්ථානයේ ද, එහි අධිපති ගුරු ලග්නයේ ද ගමන් කරයි. මහා පරිවර්තන යෝගයයි. ශනි දෙකේ ද, රාහු 9 ද ගමන් කරයි. වෘත්තීය සහ රැකීරක්ෂා කටයුතු කරගෙන යෑමේ දී ක්‍රමයෙන් ශුභදායක තත්ත්වයක් උදා කරයි. විවිධ අංශයන්ට යොමු වීමෙන් ආදායම් මාර්ග විවර කර ගනී. දරුවන්ගේ කටයුතු උදෙසා කාලයත් ධනයත් ශ්‍රමයත් වැය වේ. අධ්‍යාපන අංශවල යෙදී සිටින අයට ශුභයි. තාක්ෂණික ඉංජිනේරු ක්ෂේත්‍ර නාවික ඉංජිනේරු ක්ෂේත්‍ර වැනි විෂයයන් මඟින් සාර්ථක ප්‍රතිඵල ලැබිය හැකිය. ආගමික අංශයට නැඹුරු වන්න. ඒ තුළ සහනයක් ලබයි.
ජය වර්ණය- රතු, අංකය- 09, දිනය- අඟහරුවාදා
ධනු
මිශ්‍රපලයි
ලග්නාධිපති ගුරු 12 ද, කුජ 4 ද කේතු 2, රාහු 8 ද ශනි ලග්නයේ ද ගමන් කරයි. මෙම පිහිටීම තමාගේ කටයුතු කරගෙන යෑමේ දී යම් යම් බාධා අවහිරතාවන්ට ඉඩ පවතී. එම නිසා බුද්ධිමත්ව ද විමසිලිමත්ව ද ක්‍රියා කළ යුතුයි. වෘත්තීය සහ රැකීරක්ෂා කටයුතුවල දී තරමක් කල්පනාකාරී වන්න. ආර්ථික සහ මූල්‍යමය වශයෙන් ශුභදායකයි. විවිධ අංශයන්ට යොමු වීමෙන් ආර්ථික වාසි ගෙන දේ. දරුවන්ගේ කටයුතු සම්බන්ධයෙන් යහපත්ය. අධ්‍යාපන කටයුතු කරගෙන යෑමේ දී උත්සාහය තුළ සාර්ථක කරගත හැකිය. වැටීම්, තැළීම්, තුවාල, අනතුරු පීඩාදියෙන් ප්‍රවේසම් විය යුතුයි.
ජය වර්ණය- රන්වන්, අංකය- 03, දිනය- බ්‍රහස්පතින්දා
මකර
ශුභදායක සතියක්
ලග්නාධිපති සෙනසුරු 12 සිටි. ගුරු අයස්ථානයේ ය. කේතු ලග්නයේ ද රාහු 7 ද ගමන් කරයි. මෙම පිහිටීම තුළ වෘත්තීය සහ රැකීරක්ෂා කටයුතු කරගෙන යෑමේ දී යම් යම් බාධා ඇතත් සිය උත්සාහය සහ කැපවීම සාර්ථක ප්‍රතිඵල ලබනු ඇත. ආර්ථික සහ මූල්‍යමය වශයෙන් ශුභදායකයි. වෙළෙඳ ව්‍යාපාරවල යෙදී සිටින අයට වාසි සහගත තත්ත්වයක් උදා කරයි. ලාභ ප්‍රයෝජන ලැබේ. ගෙදරදොර කටයුතු මෙන්ම යුගදිවිය සම්බන්ධ කටයුතු යහපත්ය. අධ්‍යාපන කටයුතුවල යෙදී සිටින අයට සිය උත්සාහය තුළ සාර්ථක ප්‍රතිඵල ලබයි.
ජය වර්ණය- නිල්, අංකය- 06, දිනය- සිකුරාදා
කුම්භ
මධ්‍යස්ථයි
ලග්නාධිපති ශනි අයස්ථානයේය. ගුරු 10 ද, කේතු 12 ද රාහු 6 ද, කුජ දෙවැන්නේ ද ගෝචරය වේ. මෙම පිහිටීම් තුළ වෘත්තීය සහ රැකීරක්ෂා කටයුතු කරගෙන යෑමේ දී සුළු බාධා අවහිරතා ඉස්මතු කරයි. ආර්ථික සහ මූල්‍යමය වශයෙන් ශුභදායක වේ. ආදායම් ලැබුණ ද වියදම් අධිකයි. ගෙදරදොර කටයුතු යහපත්ය. සමගිය සාමය සුරක්ෂිත වේ. නමුත් වැඩකටයුතු බහුල වේ. දරුවන්ගේ කටයුතු යහපත්ය. අධ්‍යාපන අංශවල යෙදී සිටින අයට සිය උත්සාහය තුළ සාර්ථක ප්‍රතිඵල ලබයි. ලේ දූෂ්‍යාබාධ, උෂ්ණාධික රෝගාදියෙන් ද ප්‍රවේසම් වන්න.
ජය වර්ණය- නිල්, අංකය- 08, දිනය- සෙනසුරාදා
මීන
බාධා ජයගනී
ලග්නාධිපති ගුරු භාග්‍යස්ථානයේය. ශනි දහයේ ද රාහු 5, කේතු 11 ද කුජ ලග්නයේ ද වේ. මෙම ගෝචරයන් තුළ වෘත්තීය සහ රැකියා කටයුතුවල දී යම් යම් බාධා ඇතත් සිය උත්සාහය සහ කැපවීම මගින් සාර්ථක ප්‍රතිඵල ලැබිය හැකිය. ආර්ථික සහ මූල්‍යමය වශයෙන් ශුභදායකයි. විවිධ ක්ෂේත්‍රයන්ට යොමුවීම තුළ සාර්ථක ප්‍රතිඵල ලබනු ඇත. විටෙක සමඟියට සාමයට බාධා එල්ල විය හැකිය. දරුවන්ගේ කටයුතු සඳහා කාලයත් ධනයත් ශ්‍රමයත් වැය වේ. ඉගෙනීම් කරන අයට ශුභයි. දියුණුවක් ලබයි. තමාගේ ශරීර සෞඛ්‍යය ගැන ප්‍රවේසම් වන්න. උෂ්ණාධික රෝග බලපායි.
ජය වර්ණය- රන්වන්, අංකය- 03, දිනය- බ්‍රහස්පතින්දා
ජ්‍යොතිර් විද්‍යා විභූෂණ,
රාජ්‍ය සම්මානලාභී
ආචාර්ය ජී. ඇම්. ගුණපාල
