මේෂ
පෙම් සබඳතා වැඩෙයි
ලග්නාධිපති කුජ, රවි පූර්ව පුණ්‍යස්ථානයේ ය. බුධ, සිකුරු 6 ද ගුරු අටේ ද ගමන් ගනී. වෘත්තීය සහ රැකීරක්ෂා කටයුතුවල දී අන්‍යයන්ගේ ආධාරය උපකාරය ලැබීමෙන් තමාගේ කටයුතු එක්තරා ප්‍රමාණයකට සාර්ථක වේ. ආර්ථික සහ මූල්‍යමය වශයෙන් ශුභදායකයි. විවිධ අංශයන්ට යොමු වීමෙන් ආදායම් මාර්ග පාදාගනී.
ගෙදරදොර කටයුතු සාමාන්‍යයි. තරුණ තරුණියන් අතර ප්‍රේම සම්බන්ධතා වර්ධනය වේ. දරුවන්ගේ කටයුතු සම්බන්ධයෙන් කල්පනාකාරී වන්න. අධ්‍යාපන කටයුතුවල යෙදී සිටින අයට තාක්ෂණික, ඉංජිනේරු අංශයන්ගෙන් සාර්ථක ප්‍රතිඵල ලබාගත හැකිය. උෂ්ණාධික, උදරාශ්‍රිත පීඩා, වයිරස් රෝගාදියෙන් පරිස්සම් වන්න.
ජය වර්ණය- රතු, අංකය- 09, දිනය- ඉරිදා
වෘෂභ
ශරීර විඩාව සහ වෙහෙස ගති
ලග්නාධිපති සිකුරු බුධ පූර්ව පුණ්‍යස්ථානයේය. රවි, කුජ 4 සිටී. ගුරු හත්වැන්නේය. එම ග්‍රහ ගෝචරය ගැන සැලකීමේ දී වෘත්තීය සහ රැකීරක්ෂා කටයුතුවල දී ශරීර විඩාව සහ ශරීයට වෙහෙසකාරී ගති ඇති වේ.
මිල මුදල් ලැබීම අතින් අයහපත් නොවේ. විවිධ ක්ෂේත්‍රයන්ට යොමු වීමෙන් ආර්ථික ලාභ ලබයි. ගෙදරදොර වැඩකටයුතු මෙන්ම යුගදිවිය සම්බන්ධ කටයුතු සාමාන්‍ය අන්දමට සිදු වේ. දරුවන්ගේ කටයුතු යහපත්ය.
අධ්‍යාපනයේ යෙදී සිටින අයට ශුභයි. ඉගෙනීම් සාර්ථක වේ. උදරාශ්‍රිත රෝග, පපුව සහ පෙණහැලි ආශ්‍රිත පීඩා ඇති කළ හැකිය.
ජය වර්ණය- නිල්, අංකය- 06, දිනය- සිකුරාදා
මිථුන
රැකියාවට බාධා
ලග්නාධිපති බුධ උච්චයි. සිකුරු සමඟ 4 නීච භංග යෝගයයි. රාහු ලග්නයේ ද ශනි, කේතු 7, ගරු 6, රවි, කුජ 3 ගමන් කරයි. එම ග්‍රහ ගෝචර සැලකීමේ දී තමාගේ වෘත්තීය සහ රැකීරක්ෂා කටයුතු කරගෙන යෑමේ දී බාධා අවහිරතා ඉස්මතු වුව ද සිය උත්සාහය තුළ සාර්ථක ප්‍රතිඵල ලැබිය හැකිය.
මිල මුදල් ලැබීම අතින් සුබ වුවත් විටෙක වියදම් අධික වේ. ගමන් බිමන් අධික වේ. ගෙදරදොර කටයුතු යහපත්ය. සමඟියට සාමයට බාධා එල්ල නොවේ.
අලුත් මිත්‍රයන් ආශ්‍රයට ලැබේ. දූ දරුවන්ගේ ප්‍රීතිය ඇති වේ. අධ්‍යාපනයේ යෙදී සිටින අයට යහපත්ය. බෝවන රෝග, වයිරස් රෝග, හෘදගත පීඩා ඇති කළ හැකිය.
ජය වර්ණය- කොළ, අංකය- 05, දිනය- බදාදා
කටක
ආර්ථිකය යහපත්
ලග්නාධිපති සඳු භාග්‍යස්ථානයේ ද, රාහු 12, ශනි, කේතු 6 ද, රවි, කුජ දෙවැන්නේ ද, බුධ, සිකරු 3 ද ගෝචරය වේ. එම ග්‍රහ ගෝචරය සැලකීමේ දී වෘත්තීය සහ රැකීරක්ෂා කටයුතුවල දී යම් බාධා අවහිරතා ඉස්මතු කළ හැකිය. උනන්දුව සහ කැපවීමෙන් සාර්ථක ප්‍රතිඵල ලැබිය හැකිය. ආර්ථික සහ මූල්‍යමය වශයෙන් යහපත්ය. නමුත් ඔබට මුදල් ඉතිරි කරගැනීම අපහසු වේ. මිල මුදල් සම්බන්ධ කටයුතුවල දී තරමක් ප්‍රවේසම් වන්න. ගෙදරදොර කටයුතුවල දී බුද්ධිමත් විය යුතුයි. ආකූලතා ව්‍යාකූලතා ඉසම්තු කළ හැකිය. දරුවන්ගේ කටයුතු උදෙසා වෙහෙසේ. අධ්‍යාපනයේ යෙදී සිටින අයට සිය උත්සාහයෙන් සාර්ථක ප්‍රතිඵල ලබා ගත හැකිය. පපුව, පෙණහැල්ල ආශ්‍රිත පීඩා, උගුර, බෙල්ල සම්බන්ධ දෝෂ ඇති විය හැකිය.
ජය වර්ණය- ක්‍රීම් පාට, අංකය- 02, දිනය- සඳුදා
සිංහ
ක්‍රියාශීලී වේ
ලග්නාධිපති රවි, යෝගකාරක කුජ සමග ලග්නයේය. රාහු 11, ශනි, කේතු 5, ගුරු 4 ගමන් ගනී. බුධ, සිකුරු දෙවැන්නේය. එම ග්‍රහ පිහිටීම තුළ වෘත්තීය සහ රැකීරක්ෂා කටයුතු කරගෙන යෑමේ දී යම් යම් බාධා ඇතත් කිසියම් සාර්ථක පලයක් ලබයි.
ක්‍රියාශීලී ගතිය ද, එඩිතර බව ද ප්‍රකට වේ. මිල මුදල් ලැබීම අතින් යහපත්ය. විවිධ අංශයන්ට යොමු වීමෙන් ආදායම් වර්ධනය වේ. ගෙදරදොර කටයුතු මෙන්ම යුගදිවිය සම්බන්ධ කටයුතුවලට යහපත්ය.
දරුවන්ගේ කටයුතු යහපත්ය. ඉගෙනීමේ යෙදී සිටින අයට ශුභයි. උෂ්ණාධික රෝග, උදරාශ්‍රිත පීඩා, මේදය අධික වීමෙන් සෑදෙන රෝග ඇති කළ හැකිය.
ජය වර්ණය- රෝස. අංකය- 01, දිනය- ඉරිදා
කන්‍යා
උත්සාහයට සාර්ථක ප්‍රථිපල
ලග්නාධිපති බුධ උච්ච සිකුරු සමඟ ලග්නයේය. ගුරු 3 ද, රාහු 10, ශනි, කේතු 4 ද ගෝචරය වේ. එම ග්‍රහ පිහිටීම් ගැන සැලකීමේ දී එම කාල සීමාව තුළ වෘත්තීය සහ රැකීරක්ෂා කටයුතුවල දී බාධා අවහිරතා ඉස්මතු වුවත් සිය උත්සාහය සහ කැපවීමෙන් සාර්ථක ප්‍රතිඵල ලැබිය හැකිය. මිල මුදල් ලැබීම අතින් ශුභයි. විවිධ අංශයන්ට යොමු වීමෙන් සාර්ථක ප්‍රතිඵල ලබයි. ගෙදරදොර කටයුතු මෙන්ම යුගදිවිය සම්බන්ධ කටයුතුවල දී සාමාන්‍ය වේ. දරුවන්ගේ කටයුතු යහපත්ය. දියුණුවක් ලබයි. අධ්‍යාපන අංශවල යෙදී සිටින අයට ශුභයි. ආගමික අංශයට නැඹුරු වේ. රුධිර පීඩනය, ස්නායු හෝ නහර දුර්වලතාවලට ඉඩ පවතී. ජය වර්ණය- කොළ, අංකය- 05, දිනය- සඳුදා
තුලා
වෙළෙඳ ව්‍යාපාර සරු වෙයි
ලග්නාධිපති සිකුරු උච්ච බුධ සමග 12 සිටී. රාහු 9, ශනි, කේතු 3 ගමන් කරයි. රවි, කුජ අයස්ථානයේය. ගුරු ධනස්ථානයේ ද ගෝචරය වේ. එම ග්‍රහ ගෝචරය සැලකීමේ දී විටින් විට බාධා අවහිරතා ඉස්මතු වේ. තමා බලාපොරොත්තු වන තරමට සාර්ථක ප්‍රතිඵල උදා නොවේ. උනන්දුවෙන් ද, කැපවීමෙන් ද යුක්තව ක්‍රියා කළ යුතුයි. ආර්ථික සහ මූල්‍යමය වශයෙන් ශුභයි. වෙළෙඳ ව්‍යාපාරවල යෙදී සිටින අයට විවිධ අංශයන්ට යොමු වීමෙන් යහපත් ප්‍රතිඵල ලැබේ. ගෙදරදොර කටයුතු මෙන්ම යුගදිවිය සම්බන්ධ කටයුතු යහපත්ය. සමඟිය සාමයට බාධා එල්ල නොවේ. දරුවන්ගේ කටයුතුවල කිසියම් දියුණුවක් උදා කරගනී. අධ්‍යාපන අංශවල යෙදී සිටින අයට අශුභයි. උෂ්ණාධික රෝග, තුනටිය ආශ්‍රිත පීඩ, ලේ දූෂ්‍යාබාධ ඇති කළ හැකිය.
ජය වර්ණය- නිල්, අංකය- 06, දිනය- සිකුරාදා
වෘශ්චික
දරුවන්ගේ කටයුතු යහපත්
ලග්නාධිපති කුජ ස්වක්ෂේත්‍ර රවි සමඟ දෙදෙනාම කර්මස්ථානයේය. දිග්බලයි. රාහු 8, ශනි, කේතු 2, ගුරු දිග්බලව ලග්නයේ ද වේ. එම කරුණු සියල්ල සැලකීමේ දී වෘත්තීය සහ රැකියා ක්ෂේත්‍රවල දී සුළු බාධා අවහිරතා ඉස්මතු කළත් සිය උත්සාහය සහ කැපවීමෙන් සාර්ථක ප්‍රතිඵලයක් ද ලබයි.
මිල මුදල් ලැබීම යහපත් වුව ද වියදම් පක්ෂය ද ඉහළ යයි. ගෙදරදොර කටයුතු මෙන්ම යුගදිවිය සම්බන්ධ කටයුතු සාමාන්‍ය වුවත් බුද්ධිමත්ව ක්‍රියා කළ යුතුයි.
දරුවන්ගේ කටයුතු යහපත්ය. ඉගෙනීමේ යෙදී සිටින අයට අලුත් විෂයයන් ඉගෙනීමට ඉඩ ලැබේ. උෂ්ණාධික රෝග, ලේ දූෂ්‍යාබාධ බලපායි.
ජය වර්ණය- රතු, අංකය- 09, දිනය- බ්‍රහස්පතින්දා
ධනු
පල නැති ගමන් බිමන්
ලග්නාධිපති ගුරු 12 ද ශනි, කේතු ලග්නයේ ද රහු 7 ද රවි, කුජ පස්වැන්නේ ද සිටි. එම ග්‍රහ ගෝචරය සැලකීමේදී තමාගේ කටයුතු කරගෙන යෑමේ දී බාධා ප්‍රමාදතා මැද ක්‍රියා කිරීමට සිදු වේ. වෘත්තීය සහ රැකීරක්ෂා කටයුතු කරගෙන යෑමේ දී ප්‍රමදතා මතු කළ හැකිය. කෙටි ගමන් බහුලයි. ඒවායින් එතරම්ම පල ප්‍රයෝජන නොලැබේ. ආර්ථික වශයෙන් ශුභයි. විවිධ අංශයන්ට යොමු වීම තුළ ආර්ථික වාසි ලැබිය හැක. ආදායම් ලැබුණ ද වියදම් අධිකයි. මිල මුදල් සම්බන්ධ කටයුතුවල දී ප්‍රවේසදම් වන්න. ගෙදරදොර කටයුතු මෙන්ම යුගදිවිය සම්බන්ධ කටයුතුවල දී යහපත්ය. දරුවන්ගේ කටයුතු සම්බන්ධයෙන් සැලකිලිමත් විය යුතුයි. අධ්‍යාපන කටයුතුවල නියුතු අයට ශුභයි.
ජය වර්ණය- රන්වන්, අංකය- 03, දිනය- බ්‍රහස්පතින්දා
මකර
සතුටුදායකයි
ලග්නාධිපති ශනි, කේතු 12 ද, ගුරු අයස්ථානයේ ද, රවි, කුජ 8 වැන්නේ ද රාහු 6 ද සිටි. එම ග්‍රහ ගෝචරය සැලකීමේ දී වෘත්තීය සහ රැකියා අංශවල දී අන්‍යයන්ගේ සහයෝගය ලැබීමෙන් තමාගේ කටයුතු සතුටුදායක මට්ටමකට සාර්ථක කරගනී. මිල මුදල් ලැබීම අතින් යහපත්ය.
වෙළෙඳ ව්‍යාපාරවල යෙදී සිටින අයට ශුභදායක වේ. විවිධ අංශවලින් ආර්ථික වාසි ලබයි. ගෙදරදොර කටයුතු සාමාන්‍ය වේ. අධ්‍යාපන අංශවල යෙදී සිටින අයට ශුභයි. අලූත් විෂයන් ඉගෙනීමට අවස්ථාව සැලසේ.
උෂ්ණාධික රෝග, ලේ දූෂ්‍යාබාධ, මලබද්ධය වැනි රෝගවලින් පරිස්සම් වන්න.
ජය වර්ණය- නිල්, අංකය- 08, දිනය- සෙනසුරාදා
කුම්භ
වියදම් පක්ෂය
ලග්නාධිපති ශනි, කේතු අයස්ථානයේය. රාහු 5 ද, කුජ, රවි හතේ ද ගුරු 10 ද ගමන්ගනී. එම ග්‍රහ ගෝචරය සැලකීමේ දී ආර්ථික වශයෙන් අයහපත් නැත.
විවිධ අංශයන්ට යොමු වීමෙන් ලාභ ප්‍රයෝජන ලබයි. ආදායම් ලැබුණ ද වියදම් පක්ෂය අධික වේ. ගෙදරදොර කටයුතු මෙන්ම යුගදිවිය සම්බන්ධ කටයුතුවල දී සමඟිය සාමයට බාධා එල්ල නොවුණත් ශරීර විඩාව වෙහෙස මහන්සිය දැනේ.
දරුවන්ගේ කටයුතු කෙරෙහි අවධානය යොමු කරන්න. අධ්‍යාපන කටයුතුවල යෙදී සිටින අයට සිය උත්සාහයෙන් සාර්ථක ප්‍රතිඵල ලැබිය හැකිය. ශරීර සෞඛ්‍යය ගැන අවධානය යොමු කළ යුතුයි.
ජය වර්ණය- නිල්, අංකය- 08, දිනය- සෙනසුරාදා
මීන
ක්‍රමයෙන් යහපත
ලග්නාධිපති ගුරු භාග්‍යස්ථානයේය. ශනි, කේතු 10 ද, රාහු 4 ද රවි, කුජ 6 ද ගමන් ගනී. එම ග්‍රහ ගොචරය සැලකීමේ දී වෘත්තීය සහ රැකියා අංශවල දී යම් යම් බාධා අවහිරතා ඉස්මතු කළත් සිය උත්සාහය තුළ සාර්ථක ප්‍රතිඵල ලබයි.
මිල මුදල් ලැබීම අතින් යහපත් වුව ද වියදම් පක්ෂය ද ඉහළ යයි.
මිල මුදල් සම්බන්ධ කටයුතුවල දී සැලකිලිමත් වන්න. ගෙදරදොර කටයුතු මෙන්ම යුගදිවිය සම්බන්ධ කටයුතුවල දී කිසියම් සාර්ථක ප්‍රතිඵලයක් ලබයි. දරුවන්ගේ කටයුතු උදෙසා වෙහෙසේ. සෞඛ්‍ය්‍ ගැන පරිස්සම් වන්න. උෂ්ණාධික රෝග බලපායි.
ජය වර්ණය- රන්වන්, අංකය- 03, දිනය- බ්‍රහස්පතින්දා
