මේෂ
බාධා මැද දියුණුව
ලග්නාධිපති කුජ 5ද, රවි, බුධ, සිකුරු 6 ද, ගුරු 8 ද, ශනි, කේතු 9 ද ගෝචරය වේ. එම ග්‍රහ ගොච්රය සැලකීමේ දී මිල මුදල් සම්බන්ධ කටයුතු ඇති වේ. නමුත් ස්ථිරතාවක් නැත. මිල මුදල් සම්බන්ධ කටයුතුවල දී ප්‍රවේසම් වන්න. වෘත්තීය සහ රැකීරක්ෂා කටයුතුවල දී යම් බාධා අවහරතා ඉස්මතු කරයි. එම නිසා බද්ධිමත්ව ක්‍රියා කළ යුතුයි. ගෙදරදොර කටයුතුවල දී සුළු බධා ඇති වේ. තරුණ තරුණියන් අතර ප්‍රේම සම්බන්ධතා ඇති කරයි. මිත්‍ර ආශ්‍රය පෙන්වයි. උත්සාහයෙන් ඉගෙනීමේ කටයුතු කළත් උත්සාහයේ තරමට ප්‍රතිඵල නොලැබේ. උෂ්ණාධික රෝග, ලේ දූෂ්‍යාබාධ, උදරාශ්‍රිත රෝග බලපෑ හැක.
ජය වර්ණය- රතු, අංකය- 09, දිනය- බ්‍රහස්පතින්දා
වෘෂභ
කට පරෙස්සම් කරගන්න
ලග්නාධිපති සිකරු, රවි, බුධ පූර්ව පුණ්‍යස්ථානයේ ය. සඳු, රාහු තුනේ ද ගුරු 7, ශනි, කේතු 8 ගෝචරය වේ. එම ග්‍රහ ගෝචරය සැලකීමේ දී විටෙක කිසිම වැදගැම්මකට නැති දෙයකට ආරවුල් සිදු වේ. දුරදිග නොබලා ඉක්මනින් කරන කතාවෙන් ආරවුල් මතු වේ. සමඟියෙන් සිටි අය වෙනස් වේ.
වෘත්තීය සහ රැකියා අංශවල දී වඩාත්ම බුද්ධිමත් විය යුතුයි. වෙහෙස මහන්සිය ඇති ගමන් ඇති වේ. ගෙදරදොර කටයුතුවල දී විටෙක සමඟියට සාමයට බාධා එල්ල වනු ඇත. දරුවන්ගේ කටයුතු කෙරෙහි සැලකිලිමත් වන්න. අධ්‍යාපන කටයුතුවල යෙදී සිටින අයට සිය උත්සාහය තුළ සාර්ථක ප්‍රතිඵල ලැබිය හැකිය. ශරීරයට වෙහෙස මහන්සිය, උෂ්ණාධික රෝග, උගුර, බෙල්ල ආශ්‍රිත පීඩා ඇති කළ හැකිය.
ජය වර්ණය- නිල්, අංකය- 06, දිනය- සිකුරාදා
මිථුන
නිෂ්ඵල වියදම්
ලග්නාධිපති බුධ, සිකුරු, රවි සමඟ හතරේ ද, සඳු, රාහු ලග්නයේ ද, ශනි, කේතු 7 ද, ග--ුරු 6 ද ගමන්ගනී. එම ග්‍රහ ගෝචරය සැලකීමේ දී ශුභා’ශුභ මිශ්‍ර පල ගෙන නොදේ. විටෙක තද ලෙස සිත් පීඩාවලට කරුණු යෙදේ. මිල මුදල් සම්බන්ධයෙන් ඉතා කල්පනාකාරී වන්න. නිෂ්ඵල වියදම් ඇති වේ. තමාගේ කටයුතුවල දී වෘත්තීය, රැකියා අංශවල දී කල්පනාකාරීව ද, බුද්ධිමත්ව ද කටයුතු කළ යුතුයි. ස්ථානගත වෙනස්කම් ඇති වේ. ගෙදරදොර කටයුතුවල දී යුගදිවිය සම්බන්ධ කටයුතුවල දී කල්පනාකාරී වන්න. දරුවන්ගේ කටයුතු කෙරෙහි අවධානය යොමු කරන්න. අධ්‍යාපන අංශවල දී උත්සාහය තුළ සාර්ථක ප්‍රතිඵල ලබයි. වෛරස් රෝග, ස්නායු නහර දුර්වලතා, මූත්‍ර දෝෂවලින් ප්‍රවේසම් වන්න.
ජය වර්ණය- කොළ, අංකය- 05, දිනය- බදාදා
කටක
දුරදිග නොබලා කරන වැඩෙන් කරදර
ලග්නාධිපති සඳු, රාහු 12 සිටී. ශනි, කේතු 6 ද, ගුරු 5 ද, කුජ 2 ද, රවි, සිකුරු, බුධ 3 ද ගමන්ගනී. එම ග්‍රහ චලිතය සැලකීමේ දී මිල මුදල් සම්බන්ධ කටයුතුවල දී ප්‍රවේසම් වන්න. වියදම් අධිකයි. වැරදීමකින්, දුරදිග නොලැබීමෙන් කරදර හිරිහැර ඇති කරයි. මුළා වීම්, රැවටීම්වලට ඉඩ පවතී. වෘත්තීය සහ රැකීරක්ෂා කටයුතුවල දී ප්‍රවේසම් වන්න. වැඩකටයුතුවලට බාධා ප්‍රමාදතා ඇති වේ. අවුල් වියවුල්වලට අසු වීමට සිදු වේ. ගෙදරදොර කටයුතුවල දී ඉවසීමෙන් වචන පාවිච්චි කරන්න. දරුවන්ගේ කටයුතුවල දී කල්පනාකාරී වන්න. අධ්‍යාපන කටයුතුවල දී අලුත් විෂයයන් ඉගෙනීමට ලැබේ. දක්ෂතා සහ කුසලතා ඇත. තමාගේ ශරීර සෞඛ්‍යය ගැන ප්‍රවේසම් වන්න. මූත්‍ර දෝෂ, වකුගඩු ආශ්‍රිත පීඩා, උෂ්ණාධික රෝගාදියෙන් ප්‍රවේසම් වන්න. ජය වර්ණය- ක්‍රීම් පාට, අංකය- 02, දිනය- සඳුදා
සිංහ
කතාවේ දක්ෂකමෙන් ලාබ ප්‍රයෝජන
ලග්නාධිපති රවි, බුධ, සිකුරු දෙවැන්නේය. ශනි, කේතු 5, රාහු, සඳු 11, ගුරු 4 සිටී. එම ග්‍රහ ගෝචරය ගැන බැලීමේ දී විටින් විට බාධා අවහිරතා ඉස්මතු කළ ද තම කතාවේ බලයෙන් ලාභ ලබාගත හැකි වේ. සුළු දෙයින් වුව ද ලාභ ලැබේ. ගමන්බිමන්වලින් ඵල ප්‍රයෝජන ලබයි. වෘත්තීය සහ රැකියා ක්ෂේත්‍රයේ දී තමාට මතුවට ප්‍රයෝජන ලබාගත හැකි අය හඳුනා ගැනීමට ඉඩ සැලසේ. විටෙක තම තත්ත්වය උසස් වනු ඇත. ගෙදරදොර කටයුතුවල දී විටෙක සමඟියට සාමයට බාධා එල්ල විය හැකිය. ඉවසීමෙන්ද බුද්ධිමත්ව ද ක්‍රියා කළ යුතුයි. දරුවන්ගේ කටයුතු යහපත්ය. දියුණුවක් ලබයි. ඉගෙනීමේ කටයුතුවලට යහපත්ය. උදරාශ්‍රිත රෝග, ලේ දූෂ්‍යාබාධ යනාදියෙන් ප්‍රවේසම් වන්න.
ජය වර්ණය- රතු, අංකය- 01, දිනය- ඉරිදා
කන්‍යා
දරුවන්ගේ කටයුතුවල දියුණුවක්
ලග්නාධිපති බුධ ලග්නයේය. භද්‍ර යෝගයයි. යෝගකාරක සිකුරු රවි සමගයි. ගුර තුනේ ද, කුජ 12 ද රාහු, සඳු දහයේ ද සිටී. ශනි, කේතු 4 ද ගමන්ගනී. එම ග්‍රහ ගෝචරය සැලකීමේ දී තමාගේ කටයුතු කරගෙන යෑමේ දී ඔබ බලාපොරොත්තු වන අන්දමට සාර්ථක ප්‍රතිඵල ලැබීම අසීරු වේ.
වෘත්තීය සහ රැකියා අංශයේ ද සමාජ ක්ෂේත්‍රයේ ද එසේමයි. මිල මුදල් ලැබීම අතින් අයහපත් නොවේ. විවිධ ක්ෂේත්‍රයන්ට යොමු වී මුදල් උපයාගනී. ගෙදරදොර කටයුතු සාමාන්‍යයි. දරුවන්ගේ කටයුතුවල දියුණුවක් ලබයි.
අධ්‍යාපනයේ නියුක්ත අයට සුබයි. රුධිර පීඩනය, ලේ දූෂ්‍යාබාධ යනාදියෙන් ප්‍රවේසම් වන්න.
ජය වර්ණය- කොළ, අංකය- 05, දිනය- බදාදා
තුලා
මිල මුදල් තත්ත්වය යහපත්
ලග්නාධිපති සිකුරු, රවි, බුධ 12 සිටී. ශනි, කේතු 3, රාහු, සඳු 9, ගුරු දෙවැන්නේ ගෝචරය වේ. එම ග්‍රහ ගෝචරය ගැන සැලකීමේ දී වෘත්තීය සහ රැකීරක්ෂා ක්ෂේත්‍රයේ දී තමාගේ කටයුතුවලට බාධා අවහිරතා ඉස්මතු විය හැකිය.
කෙසේ වුවත් විදේශීය සම්බන්ධතා මත කරන කටයුතු යහපත්ය. මිල මුදල් සම්බන්ධයෙන් යහපත්ය. ව්‍යාපාරික ක්ෂේත්‍රයේ යෙදී සිටින අයට වාසිදායක තත්ත්වයක් ඇති වේ. ගෙදරදොර කටයුතු මෙන්ම යුගදිවිය සම්බන්ධ කටයුතු යහපත්ය. සමඟිය සාමයට බාධා එල්ල නොවේ.
දරුවන්ගේ කටයුතුවල දියුණුවක් ඇති වේ. අධ්‍යාපන කටයුතුවල නිරත අයට සිය උත්සාහයේ තරමට ප්‍රතිඵල ලැබේ. තම ශරීර සෞඛ්‍යය ගැන ප්‍රවේසම් වන්න.
ජය වර්ණය- නිල්, අංකය- 06, දිනය- සිකුරාදා
වෘශ්චික
රැකියා වෘත්තීය කටයුතු ශුභයි
ලග්නාධිපති කුජ දිග්බලයි. දහයේය. ලග්නයේ ගුරු සිටී. ශනි, කේතු දෙවැන්නේය. සඳු, රාහු 8 සිටී. රවි, බුධ, සිකුරු අයස්ථානයේය. එම ග්‍රහ පිහිටීම් ගැන සැලකීමේ දී ඔබේ කටයුතුවල දී සාර්ථක බවක් පෙන්නුවත් ප්‍රමාදතා ඇති කරයි. රැකියා වෘත්තීය වශයෙන් ශුභයි. අන්‍යයන්ගේ සහාය ලැබේ. මිල මුදල් ලැබීම අතින් ශුභදායක වේ.
වෙළෙඳ ව්‍යාපාරවල යෙදී සිටින අයට යහපත්ය. වාසි ලැබේ. ගෙදරදොර කටයුතු මෙන්ම යුගදිවිය සම්බන්ධ කටයුතුවල දී සමඟියට සාමයට බාධා එල්ල විය හැකිය. ඒ නිසා බුද්ධිමත් විය යුතුයි. දරුවන්ගේ කටයුතු උදෙසා කාලයත් ධනයත් වැය වේ. අධ්‍යාපන අංශවල යෙදී සිටින අයට සිය උත්සාහයෙන් සාර්ථක පල ලබාගත හැකිය. උෂ්ණාධික රෝග, උදරාශ්‍රිත පීඩා, ස්නායු දුර්වලතා ඇති කළ හැකිය.
ජය වර්ණය- රතු, අංකය- 09, දිනය- බ්‍රහස්පතින්දා
ධනු
රැකියාවේ වෙනස්කම්
ලග්නාධිපති ගුරු 12 ද, ශනි, කේතු ලග්නයේ ද, සඳු, රාහු හයේ ද, කුජ 9 ද රවි, බුධ, සිකුරු 10 ද සිටී. මිල මුදල් සම්බන්ධයෙන් නිෂ්ඵල ලෙස වියදම් දැරීමට සිදු වේ. කෙසේ වුවත් මිල මුදල් ලැබීම අතින් අයහපත් නැත. වෘත්තීය සහ රැකියා අංශවලදී තම තත්ත්වයෙහි වෙනස්කම් ඇති කරයි. කරගෙන යන කටයුතුවල පහළ බැසීමක් පෙන්වයි.
අලුතෙන් පටන් ගන්නා කටයුතුවල දියුණුවක් ලබයි.
ගෙදරදොර කටයුතුවලදී කල්පනාකාරී වන්න.
කෙසේ වුවත් සමඟියට තද ලෙස බාධා එල්ල නොවේ.
දරුවන්ගේ කටයුතුවල දියුණුවක් ලබයි. අධ්‍යාපන අංශවල දී සිය උත්සාහය තුළ සාර්ථක ප්‍රතිඵලයක් ලබයි. උෂ්ණාධික රෝග, සෙම් පීඩා, වෛරස් රෝග, ලේ දූෂ්‍යාබාධවලට ඉඩ ඇත.
ජය වර්ණය- රන්වන්, අංකය- 03, දිනය- බ්‍රහස්පතින්දා
මකර
ගේදොර කටයුතු යහපත්
ලග්නාධිපති ශනි, කේතු 12 ද, ගුරු 11 ද, රාහු, සඳු 6 ද, කුජ 8, රවි, බුධ, සිකුරු 9 වැන්නේ ද ගෝචරය වේ. එම ග්‍රහ චලිතය ගැන බැලීමේදී අන්‍යයන්ගේ සහයෝගය ලැබීමෙන් තමාගේ කටයුතු සාර්ථක කරගනී. වෘත්තීය සහ රැකියා අංශවලට ශුභයි. දියුණුවක් ලබයි. මිල මුදල් ලැබීම ශුභයි.
විවිධ අංශයන්ට යොමු වීමෙන් ආදායම් මාර්ග වර්ධනය කර ගත හැකිය. ගෙදරදොර කටයුතු මෙන්ම යුගදිවිය සම්බන්ධ කටයුතු යහපත්ය. සමඟිය සාමයට බාධා එල්ල නොවේ. දරුවන්ගේ කටයුතුවල දියුණුවක් ලබයි.
අධ්‍යාපන කටයුතුවල යෙදී සිටින අයට සිය උත්සාහය තුළ සාර්ථක ප්‍රතිඵල ලැබිය හැකිය. උෂ්ණාධික රෝග, ලේ දූෂ්‍යාබාධ මතු කළ හැකි බැවින් ප්‍රවේසම් වන්න.
ජය වර්ණය- නිල්, අංකය- 06, දිනය- සෙනසුරාදා
කුම්භ
වැඩ කටයුතු අධික වෙයි
ලග්නාධිපති ශනි, කේතු 11 ද, ගුරු 10 ද, රාහු, සඳු 5ද, කුජ 7 ද, රවි, බුධ, සිකුරු 8 ද ගමන් කරයි. එම පිහිටීම් තුළ වෘත්තීය සහ රැකියා අංශවල ක්‍රමික දියුණුවක් සිය උත්සාහයෙන් ලබයි. මිල මුදල් ලැබීම අතින් මධ්‍යස්ථ ප්‍රතිඵල වේ.
වියදම් පක්ෂය තරමක් ඉහළ යා හැකිය. ගෙදරදොර කටයුතු මෙන්ම යුගදිවිය සම්බන්ධ කටයුතුවලදී සමඟිය සාමය සුරක්ෂිත වේ. වැඩකටයුතු අධික වීමෙන් ශරීරයට වෙහෙසකාරී ගති බලපායි.
දරුවන්ගේ කටයුතු කෙරෙහි වැඩි අවධානයක් යොමු කරන්න. අධ්‍යාපන ක්ෂේත්‍රයේ යෙදී සිටින අයට ශුභයි. උෂ්ණාධික, උදරාශ්‍රිත රෝග බලපායි.
ජය වර්ණය- නිල්, අංකය- 08, දිනය- සෙනසුරාදා
මීන
දරුවන්ගේ කටයුතුවලට කාලය ගත වෙයි
ලග්නාධිපති ගුරු භාග්‍යස්ථානයේය. ශනි, කේතු 10ද, සඳු, රාහු 4 ද ගමන් ගනී. රවි, බුධ, සිකුරු 7 ද, කුජ 6 ද, ගමන් කරනු ඇත. එම ග්‍රහ චලිතය ගැන සැලකීමේදී වෘත්තීය සහ රැකියා අංශවල දී සිය උත්සාහය සහ කැපවීමෙන් සාර්ථක ප්‍රතිඵල ලැබිය හැකිය. මිල මුදල් ලැබීම යහපත් වුවද වියදම් අධිකයි. මිල මුදල් සම්බන්ධයෙන් ප්‍රවේසම් විය යුතුයි.
ගෙදරදොර කටයුතු මෙන්ම යුගදිවිය සම්බන්ධ කටයුතුවලදී ඉවසීමෙන් කටයුතු කරන්න. දරුවන්ගේ කටයුතු සම්බන්ධයෙන් කාලයත්, ධනයත් වැය වේ. අධ්‍යාපන අංශවල පසුගාමී තත්ත්වයන් උදා වන නිසා උත්සාහය අවශ්‍යයි. පපුව, පෙණහැල්ල ආශ්‍රිත පීඩා, ලේ දූෂ්‍යාබාධවලට ඉඩ ඇත.
ජය වර්ණය- රන්වන්, අංකය- 03, දිනය- බ්‍රහස්පතින්දා
